即時通訊軟件LINE、WeChat、WhatsApp、facebook Messenger先後推出錄音留言功能，深受不少人歡迎，省卻打字的麻煩；不過此功能又為其他人帶來煩惱，甚至生厭。網民Alex Tsang前晚在facebook羅列錄音留言「7宗罪」，又表明「罷聽」錄音，引起網民熱議，吸引逾2,000人轉載。他接受《蘋果》查詢時，直言沒想過其個人聲明會引起如此大迴響，坦言發文只因「我有啲朋友好鍾意錄留言，但好多都無諗過收留言嗰個好慘」。
Alex在文中表明「很討厭」對方用錄音留言，「明明是1、2K就可以傳送得到的訊息，現在我要用過百K數據，才可以接收你的訊息，而我不是用無限數據的」，又指本來用2、3秒就可以閱畢的文字訊息，聽錄音則最少要花多2至3倍時間，若想重讀訊息，則要再花時間重聽，反問為何「不能讓我很快地從文字中找重點」？
他又在聲明中反問朋友：「你認為我外出時一定有戴耳筒？可以在不打擾別人或不與別人分享的情況下，聽你的留言？」Alex亦指錄音時很難確保周遭沒雜音，對方往往難以清楚聽出留言內容，並笑言自己「對隨留言附上的地鐵的走行音沒有興趣」。
Alex的聲明吸引逾2,000人轉載，當中不少人均讚同Alex，道出眾人心聲；但有部分人批評他「講到全世界只係為佢一個而生存」，發文只為「呃like」。亦有批評者指出，錄音留言較文字更能清楚表達其語氣、態度和情感，是「切切實實去溝通」，Alex回應指：「語氣方面可以用適當emoji（表情符號），或者用字都feel（感受）到，唔一定要聽先至知道語氣」。
【網民點睇】
Diki Chan：搭車成日見到有人用voice message即時同人傾計，不停咁錄，心諗做咩唔打電話……
刁鈦郎：大把蛋散未講完就cut咗！佢自己就以為講得好清楚，其實完全唔知佢噏乜！超級不負責任的說！
Simson Ma：當你見到個group百幾個message都係錄音嘅時候，你會一個一個去聽番嗎？
XRay Tsang：不能同意更多，為咗呢樣嘢，我呢半年幾，quit咗10幾個group
Cheuk Ki：打字唔係雙方切切實實去溝通，語氣你唔知，態度你唔知，喊定笑住同你講你都唔知！難道你叫老一輩遷就你，全部都走去學打字寫字？唔好講到自己大條道理，要人哋改變，你大可以永遠唔聽錄音，唔好打篇咁嘅嘢呃like
Samuel Ip：懶得打字，可以用iOS或Google提供的dictation服務
【錄音留言7宗罪原文】
1. 浪費數據下載留言，明明是1、2K就可以傳送得到的訊息，現在我要用過百K數據，才可以接收你的訊息，我不是用無限數據的。
2. 用2至3秒就可以閱畢的訊息，現在我最少要用多2至3倍時間，來收聽你的說話。有些簡單訊息，我甚至用pebble望半秒就閱畢，我不想花半分鍾著機、下載和聽留言。
3. 你的說話夠簡潔，不會吞吞吐吐嗎？我不想浪費時間在你的「ee……er……er……」上面。
4. 你留言時可以確保附近沒有雜音，讓我可以清楚聽到你的說話？我對隨留言附上的地鐵的走行音沒有興趣。
5. 你認為我外出時一定有戴耳筒？可以在不打擾別人、不與別人分享的情況下，聽你的留言？
6. 我要重讀訊息的時候，為甚麼不能讓我很快地從文字中找重點，而要浪費我3倍時間再重聽你的說話？
7. 不懂打字、打字唔夠快不是藉口，我沒必要去遷就，請你學好輸入法。
暂无评论内容